Programa Xogade · Curso 2026/27Balonmán
na Escola
Unha iniciativa da Secretaría Xeral para o Deporte da Xunta de Galicia coa colaboración da Federación Galega de Balonmán e os clubs de balonmán da área de Vigo.
Dirixido a
4º
de primaria
Descubre, aprende e compite
Balonmán na Escola é un programa de promoción deportiva dirixido ao alumnado de 4º de primaria que busca a iniciación ao balonmán mediante unha metodoloxía innovadora baseada en deportes alternativos: Datchball e Tchoukball.
Monitores e monitoras dos clubs visitan os centros para impartir as sesións prácticas. Despois, o profesorado recibe as ferramentas e a unidade didáctica para seguir traballando na aula ata as xornadas de competición.
O programa remata coas xornadas de competición interescolar no IFEVI, do 10 ao 13 de novembro (ambos incluídos).
Sesións nos centros
Os monitores/as dos clubs imparten as sesións prácticas con cada clase.
Traballo do profesorado
O profesorado continúa coa unidade didáctica e realiza unha competición interna.
Competición no IFEVI
Xornadas interescolares do 10 ao 13 de novembro en horario lectivo.
Obxectivos
- · Fomentar a actividade física
- · Desenvolver habilidades motrices
- · Promover valores deportivos
- · Dar a coñecer o balonmán
Clubs colaboradores
Minibalonmán a través de deportes alternativos
Unha progresión en tres modalidades que parte do lanzamento e remata no xogo colectivo. Nas tres xogan 4 ou 5 xogadores/as por equipo.
Datchball
Obxectivo: Eliminar ás/aos rivais lanzando o balón e golpeándoos sen que bote previamente no chan.
- · Campo dividido
- · 3 balóns
- · Sen límite de pasos
- · Recuperación atrapando o balón
Material: 3 balóns e dous xogos de petos
Tchoukball
Obxectivo: Lanzar contra un dos rebotadores para que o balón toque o chan fóra da área.
- · Campo compartido
- · Máximo 3 pases e 3 pasos
- · Sen contacto nin roubo
- · Área de 3 m no rebotador
Material: 1 balón, petos, dous rebotadores e dúas áreas
Minibalonmán
Obxectivo: Marcar gol na portería rival.
- · 3 pasos + 1 bote + 3 pasos
- · Defensa individual sen contacto
- · Mínimo 1 pase previo ao gol
- · O porteiro/a non sae da área
Material: 1 balón, petos, dúas porterías e dúas áreas
Sesións de 50 minutos
Regras básicas, rotación da competición, retos cooperativos co rebotador e partido.
Partido de datchball rotando e xogo de 5 pases, saída con bote e partido de minibalonmán.
Grupos de 5, clasificación por puntos (3 vitoria, 2 empate, 1 derrota) e partidos de 4–5 minutos.
As sesións 1 e 2 poden cambiar a orde se o primeiro día non se dispón de rebotadores. O profesorado replicará a unidade didáctica en 3º curso.
IFEVI · 10–13 de novembro
A xornada final reúne os centros participantes no recinto feiral IFEVI (Vigo), nunha instalación con seis campos de Minibalonmán e Tchoukball e un espazo habilitado para o Datchball.
Formato
Quecemento con Datchball (3 partidos de 4′) e partidos 4x4 de Tchoukball e Minibalonmán de 5′ cada un.
Rotacións
Aulas A e C permanecen na pista; aulas B e D rotan. Tras dúas rotacións cambian de modalidade.
Fase final
As aulas gañadoras xogan nas pistas 1–3 e as que perderon nas pistas 3–5, co mesmo sistema de rotación.
Transporte
Desprazamentos en autobús a cargo da Secretaría Xeral para o Deporte, en horario lectivo.
Que levar
Roupa deportiva e unha botella de auga.
Duración
Aproximadamente 90 minutos por xornada.
Sesións nos centros
Consulta cando visitaremos o teu centro, o horario e o club que impartirá a sesión.
Dúbidas e incidencias
Federación Galega de Balonmán
Sesións e aspectos deportivos
Gerard Conill
Inscribe o teu centro
Completa o formulario e a organización contactará convosco para confirmar as sesións.